നിങ്ങളുടെ മുഖം തന്നെ ഫേസ്ബുക്കില്‍ ഇമോജിയാക്കാം

നിങ്ങളുടെ മുഖം തന്നെ ഫേസ്ബുക്കില്‍ ഇമോജിയാക്കാം. ഇതിന് സഹായിക്കുന്ന പേറ്റന്‍റ് അടുത്തിടെയാണ് ഫേസ്ബുക്ക് സ്വന്തമാക്കിയത്. മുഖം തിരിച്ചറിയാനുള്ള സാങ്കേതിക വിദ്യയാണ് ഇപ്പോള്‍ ഫേസ്ബുക്ക് സ്വന്തമാക്കിയത്. നിങ്ങള്‍ ടാഗ് ചെയ്യപ്പെട്ട ഫോട്ടോകള്‍ വച്ച് നിങ്ങളുടെ മുഖത്തിന് മാച്ചായ ഇമോജി നിര്‍മ്മിക്കപ്പെടും എന്നതാണ് ഇതിന്‍റെ അടിസ്ഥാനം.

ഇത് നിലവില്‍ വന്നാല്‍ ഇപ്പോള്‍ ഫേസ്ബുക്കിലുള്ള ഇമോജികള്‍ക്ക് പുറമേ പുതിയ സെറ്റ് ഇമോജികളും എത്തും. നിങ്ങളുടെ മുഖത്തിന്‍റെ ഇമോജികളില്‍ വിവിധ ഭാഗങ്ങളും നിറയ്ക്കാന്‍ സാധിക്കും എന്നാണ് ചോര്‍ന്ന് കിട്ടിയ വിവരങ്ങള്‍ സൂചിപ്പിക്കുന്നത്. സ്വന്തം മുഖം ഉപയോഗിച്ച് തന്നെ ചില വിഷയങ്ങളില്‍ വികാരം പ്രകടിപ്പിക്കാന്‍ കഴിഞ്ഞാല്‍ യൂസര്‍ എന്‍ഗേജ്മെന്‍റ് കൂട്ടും എന്നാണ് ഫേസ്ബുക്കിന്‍റെ പ്രതീക്ഷ.

വാട്ട്സാപ്പിലെ നഷ്ടപ്പെട്ട സന്ദേശങ്ങളും ചിത്രങ്ങളും വീഡിയോകളും വീണ്ടെടുക്കാം

THANKS FOR VISITING... WE GOT YOUR INTERNET PROTOCOL AND YOUR SMART PHONE MAC ADDRESS.

Thanks Again.

ലാലേട്ടൻ ഇനി ലാൻഡ് ക്രൂയിസറിൽ

മലയാളത്തിന്റെ സൂപ്പർതാരങ്ങളുടെ ഇഷ്ട വാഹനമാണ് ലാൻഡ് ക്രൂസർ. മമ്മൂട്ടിക്കും ജയറാമുമെല്ലാം ലാൻഡ് ക്രൂസറിന്റെ ആരാധകരാണ്. സൂപ്പർ താരം മോഹൻലാലാണ് ലാൻഡ് ക്രൂസർ സ്വന്തമാക്കിയ ഏറ്റവും പുതിയ താരം. മോഹൻലാലിന്റെ സുഹൃത്തും ബിസിനസ് പങ്കാളിയുമായ ആന്റണി പെരുമ്പാവൂരിന്റെ പേരിലാണ് വാഹനം റജിസ്റ്റർ ചെയ്തിരിക്കുന്നത്. കുറച്ച് നാളുകൾക്ക് മുമ്പ് ബെൻസിന്റെ എസ് യു വി ജിഎൽ 350 മോഹൻലാൽ സ്വന്തമാക്കിയിരിക്കുന്നു. കൂടാതെ ബെൻ‌സ് എസ് ക്ലാസ്, ടോയോട്ട പജീറോ തുടങ്ങി നിരവധി വാഹനങ്ങൾ മലയാളത്തിന്റെ അഭിനയ പ്രതിഭയ്ക്ക് സ്വന്തമായുണ്ട്.
ജാപ്പനീസ് കാർ നിർമാതാക്കളായ ടൊയോട്ടയുടെ ലക്ഷ്വറി എസ് യു വിയാണ് ലാൻഡ് ക്രൂസർ. 4461 സിസി വി8 ഡീസൽ എൻജിനാണ് ഈ കരുത്തൻ എസ് യുവിയെ ചലിപ്പിക്കുന്നത്. 3400 ആർപിഎമ്മിൽ 262 ബിഎച്ച്പി കരുത്തും 1600 ആർപിഎമ്മിൽ 650 എൻഎം ടോർക്കും നൽകുന്നുണ്ട് ഈ എൻജിൻ. ഏഴു പേർക്ക് സഞ്ചരിക്കാവുന്ന ഫുൾ‌സൈസ് എസ് യു വിയുടെ കൊച്ചി എക്സ് ഷോറൂം വില 1.36 കോടി രൂപയാണ്.

ഞെട്ടേണ്ട! മൂന്നു കുട്ടികളുടെ അമ്മ 32 ആഴ്ച കൊണ്ട് കുറച്ചത് 35 കിലോ!

മൂന്നു കുട്ടികളുടെ അമ്മയായ ക്വീന്‍സ്ലന്‍ഡുകാരി ലോറന്‍ കെര്‍ട്‌ലന്‍ഡ് ഇന്ന് അതീവസന്തോഷവദിയാണ്. കാര്യമെന്തന്നല്ലേ. 15 വര്‍ഷങ്ങള്‍ക്കു ശേഷം തന്റെ വിവാഹഡ്രസ് വീണ്ടും ധരിക്കാന്‍ അവര്‍ക്കു സാധിച്ചു. അമ്മാതിരി തടിയായിരുന്നു ഈ വീട്ടമ്മയ്ക്ക്. കുറച്ച കിലോയുടെ കണക്ക് കേട്ടാല്‍ ആരും ഒന്നു ഞെട്ടും. 32 ആഴ്ച്ചകള്‍ക്കുള്ളില്‍ 35 കിലോഗ്രാമാണ് 35കാരിയായ ലോറെന്‍ കുറച്ചത്. കഠിന പ്രയത്‌നം തന്നെ നടത്തിയാണെങ്കിലും ഭാരം കുറച്ചതിന്റെ സന്തോഷത്തിലാണ് അവര്‍. ഒപ്പം ഇതുവരെ കയറാത്ത വിവാഹഡ്രസ് അണിയാന്‍ കഴിഞ്ഞതിന്റെയും. 

തീര്‍ത്തും മോശം ജീവിതരീതിയായിരുന്നു ലോറെന്‍ പണ്ടു പിന്തുടര്‍ന്നിരുന്നത്. ദിവസവും എണ്ണയില്‍ പൊരിച്ചെടുത്ത ചിക്കന്‍ ലഞ്ചിന്. വൈകിട്ടാണെല്‍ അസ്സല്‍ മദ്യപാനവും. പോരെ പൂരം. 94 കിലോഗ്രമായാണ് ലോറെന്റെ ഭാരം കൂടിയത്. ഇങ്ങനെ അലക്ഷ്യമായി ഭക്ഷണശീലങ്ങള്‍ മാറാനിടയാക്കിയത് തന്റെ ഇരട്ട സഹോദരി ഷാരോണിന്റെ അകാലമരണമായിരുന്നുവെന്നാണ് ലോറെന്റെ ഭാഷ്യം. എന്തായാലും സംഗതി പിടുത്തം വിട്ടെന്ന് മനസിലായപ്പോള്‍  തടി കുറയ്ക്കാന്‍ ഉറച്ച തീരുമാനമെടുക്കുകയായിരുന്നു അവര്‍. അമിതഭാരത്തില്‍ പൊറുതി മുട്ടി ലോറെന്റെ കാലുകള്‍ക്ക് പോലും താങ്ങാനാവത്ത അവസ്ഥയിലെത്തിയിരുന്നു ശരീരപ്രകൃതി. ദീര്‍ഘനേരം എവിടെയെങ്കിലും നില്‍ക്കേണ്ട അവസ്ഥ വന്നാല്‍ കാല്‍ വേദന കൊണ്ട് പുളയും. രാത്രി നടക്കാനാണ് ഏറെ പ്രയാസപ്പെട്ടത്. രാത്രിസമയത്ത് ടോയ്‌ലെറ്റില്‍ പോകാന്‍ പോലും ബുദ്ധിമുട്ടിയിരുന്നെന്ന് ലോറെന്‍ പറയുന്നു.

പൊണ്ണത്തടി കാരണം കഴിഞ്ഞ അഞ്ച് വര്‍ഷത്തിനിടെ ഒരു ഡ്രസ് പോലും ഇവര്‍ക്ക് വാങ്ങാനായില്ല. ആത്മവിശ്വാസം പോയി, ഡ്രസ് ഇടാന്‍ പോലും തോന്നിയില്ല, ഭീകര അവസ്ഥ-മുന്‍കാലത്തെ ലോറെന്‍ ഓര്‍ക്കുന്നതിങ്ങനെ. ഭര്‍ത്താവിനു പോലും തന്നെ വെറുപ്പാകുമോയെന്ന് ലോറെന്‍ പേടിച്ചു. അങ്ങനെയാണ് 15ാം വിവാഹവാര്‍ഷികത്തില്‍ ഭര്‍ത്താവിനൊരു സര്‍പ്രൈസ് ഗിഫ്റ്റ് കൊടുക്കുകയെന്ന ലക്ഷ്യത്തില്‍ മെലിയാന്‍ ഇറങ്ങിത്തിരിച്ചത്. 

ആനക്കാര്യമൊന്നും ചെയ്തില്ല ലോറെന്‍. ഡയറ്റ് മാറ്റി. വറുത്തതും പൊരിച്ചതുമെല്ലാം ഒഴിവാക്കി. പകരം ട്യൂണയും സാലഡും പഴങ്ങളും കഴിക്കാന്‍ തുടങ്ങി. ഒപ്പം റാപ്പിഡ് ലോസ് ഷേക്കുകളും. ഇന്ന് 57 കിലോഗ്രാമാണ് ലോറെന്റെ ഭാരം.

ലോറെന്‍ മുമ്പു സ്ഥിരമായി കഴിച്ചിരുന്നത്

ബ്രേക്ഫാസ്റ്റ്: ഇല്ല

മോണിംഗ് ടീ: ഇല്ല

ലഞ്ച്: ഡീപ് ഫ്രൈഡ് ചിക്കന്‍ വിങ്‌സ്, സ്വീറ്റ് ചില്ലി ചിക്കന്‍ (സ്ഥിരം)

ഡിന്നര്‍: പാസ്തയും ഉരുളക്കിഴങ്ങും

ലോറെന്‍ ഇപ്പോള്‍ കഴിക്കുന്നത്

ബ്രേക്ഫാസ്റ്റ്: റാപ്പിഡ് ലോസ് ഷേക്ക്

മോണിംഗ് ടീ: ഏതെങ്കിലും ഒരു പഴം

ലഞ്ച്: സാന്‍ഡ്‌വിച്ച്, ട്യൂണ, സാലഡ്

വൈകുന്നേരം: മുട്ട പുഴുങ്ങിയത്

ഡിന്നര്‍: വെജിറ്റബിള്‍, ചിക്കന്‍ സൂപ്പ്‌

ഉള്ളം കൈയിന്‍റെ വലുപ്പത്തിലൊരു പ്രിന്‍റര്‍; മൊബൈലില്‍ നിന്നും നേരിട്ട് പ്രിന്‍റെടുക്കാം

നിങ്ങളുടെ സ്മാര്‍ട്ട്ഫോണുകളില്‍ നിന്നും നേരിട്ട് ഫോട്ടോ പ്രിന്‍റ് ചെയ്യാന്‍ സാധ്യമായ കുഞ്ഞന്‍ പ്രിന്‍റര്‍. ഉപയോക്താക്കളുടെ നീണ്ട നാളത്തെ ഈ ആവശ്യത്തിന് പരിഹാരവുമായി രംഗതെത്തിയിരിക്കുകയാണ് മൈക്രോമാക്സ്. വൈഫൈ ഉപയോഗിച്ച് സ്മാര്‍ട്ട്ഫോണുമായി ബന്ധിപ്പിക്കാവുന്ന ഈ കൊച്ചു പ്രിന്‍ററിന്‍റെ ആകെയുള്ള തൂക്കം കേവലം 273 ഗ്രാം മാത്രമാണ്. YUPIX എന്ന് പേരുള്ള പ്രിന്‍റര്‍ പ്രവര്‍ത്തിപ്പിക്കാന്‍ ആകെ ആവശ്യമുള്ളത് ഇതേ പേരിലുള്ള മൊബൈല്‍ ആപ്ലിക്കേഷന്‍ മാത്രമാണ്. കമ്പ്യൂട്ടറിന്‍റെ സഹായമില്ലാതെ തന്നെ ഫോട്ടോകള്‍ എഡിറ്റ് ചെയ്യാനും ക്രോപ് ചെയ്യാനും 2.1 x 3.4 ഇഞ്ച് ഫോട്ടോകള്‍ പ്രിന്‍റ് ചെയ്യാനും ഇതുവഴി കഴിയും, ഡൈ സബ്ലിമേഷന്‍ സാങ്കേതിക വിദ്യ ഉപയോഗിച്ചാണ് പ്രിന്‍റര്‍ പ്രവര്‍ത്തിക്കുന്നത്. ആമസോണിലൂടെ ഇന്ന് മുതല്‍ ഇതിന്‍റെ വിപണനം ആരംഭിച്ചിട്ടുണ്ട്.

ഗൂഗിള്‍ സെര്‍ച്ചിലെ ഒരു ചോദ്യം യുവാവിന് സമ്മാനിച്ചത് ഗൂഗിളില്‍ ഒരു ജോലി

സെര്‍ച്ച് എഞ്ചിന്‍ രംഗത്തെ മുടിചൂടാമന്നന്‍മാരാണ് ഗൂഗിള്‍ എന്നത് തര്‍ക്കമില്ലാത്ത വസ്തുതയാണ്. ലക്ഷകണക്കിന് പേരാണ് പ്രതിദിനം വിവിധ വിവരങ്ങള്‍ തേടി ഗൂഗിള്‍ സെര്‍ച്ച് എഞ്ചിനെ സമീപിക്കുന്നത്. ഇത്തരത്തില്‍ ഒരു സംശയത്തിനുള്ള ഉത്തരം തേടി ഗൂഗിള്‍ സെര്‍ച്ച് എഞ്ചിനെ ആശ്രയിച്ച യുവാവിന് ലഭിച്ചത് സ്വപ്നതുല്യമായ ഒരു നേട്ടമാണ് – ഗൂഗിളില്‍ ഒരു ജോലി. മാക്സ് റോസറ്റ് എന്ന യുവാവിനാണ് ഗൂഗിള്‍ സെര്‍ച്ചിലെ ഒരു ചോദ്യം ഭാഗ്യത്തിന്‍റെ സൂചകമായി മാറിയത്. മാനേജ്മെന്‍റ് കണ്‍സല്‍ട്ടന്‍റായി ഒരു സ്റ്റാര്‍ട്ട് അപിനായി ജോലി നോക്കുന്ന റോസറ്റ് തന്‍റെ കമ്പ്യൂട്ടര്‍ വിജ്ഞാനം വര്‍ധിപ്പിക്കാനുള്ള ശ്രമത്തിന്‍റെ ഭാഗമായാണ് “Python lambda function list comprehension” എന്ന് ഗൂഗിള്‍ സെര്‍ച്ച് എഞ്ചിന്‍ ബാറില്‍ ടൈപ്പ് ചെയ്തത്. ഉത്തരത്തിനു പകരം തിരിച്ചു വന്നതാകട്ടെ മറ്റൊരു ചോദ്യമായിരുന്നു – ” നിങ്ങള്‍ സംസാരിക്കുന്നത് ഞങ്ങളുടെ ഭാഷയാണ്. ഒരു വെല്ലുവിളി ഏറ്റെടുക്കാന്‍ ഒരുക്കമാണോ?.

ആദ്യം ഒന്നു പകച്ചെങ്കിലും വെല്ലുവിളി ഏറ്റെടുക്കാന്‍ തന്നെ റോസറ്റ് തീരുമാനിച്ചു. പ്രോഗ്രാമിങുമായി ബന്ധപ്പെട്ട നിരവധി സമസ്യകള്‍ പരിഹരിക്കണമെന്നായിരുന്നു ആ വെല്ലുവിളി. ഇവയെല്ലാം തന്നെ വിജയകരമായി പരിഹരിച്ച് രണ്ടാഴ്ചകള്‍ക്ക് ശേഷം ബന്ധപ്പെടാനുള്ള വിലാസമുള്‍പ്പെടെയുള്ള വിശദാംശങ്ങള്‍ തേടിയുള്ള ചോദ്യം വന്നു, അധികം വൈകാതെ തന്നെ ഇ-മെയിലിലൂടെ ബയോഡാറ്റ സമര്‍പ്പിക്കാനുള്ള നിര്‍ദേശവും. വന്നു. പിന്നെ നടന്നത് ഗൂഗിളിന്‍റെ സങ്കീര്‍ണമായ നിയമന പ്രക്രിയയിലൂടെയുള്ള കടന്നുപോക്കും നിയമനവുമാണ്. ഗൂഗിളില്‍ ഒരു തൊഴിലാളിയാകാനുള്ള വളര്‍ച്ച എനിക്കില്ലെന്നായിരുന്നു എന്‍റെ വിലയിരുത്തല്‍, എന്നാല്‍ ഗൂഗിള്‍ മറിച്ചാണ് ചിന്തിച്ചത് എന്ന മുഖവുരയാടെ റോസറ്റ് തന്നെ തന്‍റെ അനുഭവം പങ്കുവയ്ക്കുകയും ചെയ്തു. റോസറ്റിന്‍റെ പോസ്റ്റ് വായിക്കാം –  http://thehustle.co/the-secret-google-interview-that-landed-me-a-job

സ്മാര്‍ട്ട്‌ഫോണുകളുടെ പുതുനിരയുമായി ലനൊവോ

ബര്‍ലിനില്‍ നടക്കുന്ന ഐ.എഫ്.എ. പ്രദര്‍ശനവേദിയില്‍ തങ്ങളുടെ ഏറ്റവും പുതിയ ഗാഡ്ജറ്റുകള്‍ പുറത്തിറക്കാന്‍ വമ്പന്‍ കമ്പനികള്‍ മത്സരിക്കുകയാണ്. സാംസങും സോണിയും വാവെയുമൊക്കെ തങ്ങളുടെ പുത്തന്‍ മോഡലുകള്‍ അവതരിപ്പിച്ചുകഴിഞ്ഞു. അതിനിടെ, മൂന്ന് സ്മാര്‍ട്‌ഫോണുകളും രണ്ട് ഫാബ്‌ലറ്റുകളും ഐ.എഫ്.എ. വേദിയില്‍ ഒറ്റയടിക്ക് പുറത്തിറക്കിക്കൊണ്ട് ചൈനീസ് കമ്പനിയായ ലെനോവോ വാര്‍ത്ത സൃഷ്ടിച്ചിരിക്കുന്നു. 

ലെനോവോ വൈബ് പി 1, വൈബ് പി 1 എം, വൈബ് എസ് 1 എന്നിവയാണ് പുതിയ സ്മാര്‍ട്ട്‌ഫോണുകള്‍. ലെനോവൊ ഫാബ്, ഫാബ് പ്ലസ് എന്നിവ ഫാബ്‌ലറ്റുകളും. ലെനോവോയുടെ പുതിയ ഫോണുകളെ പരിചയപ്പെടാം.

Lenovo Vibe P1

1. വൈബ് പി 1 ( Lenovo Vibe P1 ): ഐ.പി.എസ്. എല്‍.സി.ഡി. ഫുള്‍ ഹൈഡെഫനിഷന്‍ ഡിസ്‌പ്ലേയോടുകൂടിയ അഞ്ചര ഇഞ്ച് സ്‌ക്രീനാണ് ഈ ഫോണിലുള്ളത്. പോറലേല്‍ക്കാത്ത തരത്തിലുള്ള ഗോറില്ല ഗ്ലാസ് 3 കൊണ്ട് നിര്‍മിച്ച സ്‌ക്രീനാണിത്. 

1.5 ഗിഗാഹെര്‍ട്‌സിന്റെ ക്വാല്‍കോം സ്‌നാപ്ഡ്രാഗണ്‍ 615 ഒക്ടാകോര്‍ പ്രൊസസര്‍, രണ്ട് ജി.ബി. റാം, 32 ജി.ബി. ഇന്റേണല്‍ സ്‌റ്റോറേജ് എന്നിവയാണിതിന്റെ ഹാര്‍ഡ്‌വേര്‍ വിവരങ്ങള്‍. 128 ജി.ബി. വരെയുള്ള എസ്.ഡി. കാര്‍ഡ് ഫോണില്‍ പ്രവര്‍ത്തിപ്പിക്കാം. പിന്‍ക്യാമറ 12 മെഗാപിക്‌സല്‍, മുന്‍ക്യാമറ അഞ്ച് മെഗാപിക്‌സല്‍. 

ആന്‍ഡ്രോയ്ഡ് 5.1 ലോലിപോപ്പ് വെര്‍ഷനിലോടുന്ന ഫോണില്‍ അയ്യായിരം എം.എ.എച്ച്. ബാറ്ററിയാണുള്ളത്. ഫിംഗര്‍ പ്രിന്റ് സ്‌കാനറും ഫോണിലുണ്ട്. പ്ലാറ്റിനം, േ്രഗ നിറങ്ങളിലെത്തുന്ന ഫോണിന്റെ വില 279 ഡോളര്‍ (18,600 രൂപ).

2. വൈബ് പി 1 എം ( Lenovo Vibe P1m ): അഞ്ചിഞ്ച് വലിപ്പമുള്ള ഐ.പി.എസ്. എല്‍.സി.ഡി. ഫുള്‍ എച്ച്.ഡി. ഡിസ്‌പ്ലേയുള്ള ഫോണില്‍ ഒരു ഗിഗാഹെര്‍ട്‌സ് മീഡിയാടെക് ക്വാഡ്‌കോര്‍ പ്രൊസസറാണുള്ളത്. റാം ശേഷി രണ്ടു ജി.ബി., ഇന്റേണല്‍ സ്‌റ്റോറേജ് 16 ജി.ബി. 32 ജി.ബി. വരെയുള്ള എസ്.ഡി. കാര്‍ഡ് ഫോണില്‍ പ്രവര്‍ത്തിപ്പിക്കാം. 

എട്ട് മെഗാപിക്‌സലിന്റെ പിന്‍ക്യാമറയും അഞ്ച് മെഗാപിക്‌സലിന്റെ മുന്‍ക്യാമറയും ഈ ഡ്യുവല്‍സിം ഫോണിലുണ്ട്. 4000 എം.എ.എച്ച്. ബാറ്ററിയാണ് ഊര്‍ജം പകരുന്നത്. 

ആന്‍ഡ്രോയ്ഡ് 5.0 ലോലിപോപ്പ് വെര്‍ഷനില്‍ പ്രവര്‍ത്തിക്കുന്ന ഫോണിന്റെ ബോഡിയില്‍ വെള്ളം പ്രതിരോധിക്കുന്നതിനുള്ള നാനോ കോട്ടിങ് ഉണ്ട്. കറുപ്പ്, വെളുപ്പ് നിറങ്ങളിലെത്തുന്ന ഫോണിന് 159 ഡോളറാണ് (10,600 രൂപ) വില.

Lenovo Vibe S1

3. വൈബ് എസ് 1 ( Lenovo Vibe S1 ): അഞ്ചിഞ്ച് ഫുള്‍ എച്ച്.ഡി. ഐ.പി.എസ്. എല്‍.സി.ഡി. ഡിസ്‌പ്ലേയാണ് ഈ ഫോണില്‍. 1.7 ഗിഗാഹെര്‍ട്‌സിന്റെ ഒക്ടാകോര്‍ മീഡിയാടെക് പ്രൊസസര്‍, മൂന്ന് ജി.ബി. റാം, 32 ജി.ബി. ഇന്റേണല്‍ സ്‌റ്റോറേജ് എന്നിവയാണിതിന്റെ ഹാര്‍ഡ്‌വേര്‍ സ്‌പെസിഫിക്കേഷന്‍. 128 ജി.ബി. വരെയുള്ള മൈക്രോ എസ്.ഡി. കാര്‍ഡ് ഫോണില്‍ പ്രവര്‍ത്തിപ്പിക്കാം. 

എല്‍.ഇ.ഡി. ഫ് ളാഷും ഓട്ടോഫോക്കസുമുള്ള എട്ട് മെഗാപിക്‌സല്‍ പിന്‍ക്യാമറ, എട്ട് മെഗാപിക്‌സലിന്റെ മുന്‍ക്യാമറ, രണ്ട് മെഗാപിക്‌സലിന്റെ സെക്കന്‍ഡറി മുന്‍ക്യാമറ എന്നിവയും ഫോണിലുണ്ട്. ലോകത്തിലെ ആദ്യ ഡ്യുവല്‍സെല്‍ഫി ക്യാമറയുള്ള ഫോണാണിതെന്ന് ലെനോവോ അവകാശപ്പെടുന്നു. ഫോണിലെ ഒ.എസ്. ആന്‍ഡ്രോയ്ഡ് 5.0 ലോലിപോപ്പ്. 

ഇരട്ട നാനോ സിംകാര്‍ഡുകളെ പിന്തുണയ്ക്കുന്ന ഫോണില്‍ ഊരിയെടുക്കാനാവാത്ത തരത്തിലുള്ള 2500 എം.എ.എച്ച്. ബാറ്ററിയാണുള്ളത്. വെളുപ്പ്, നീല നിറങ്ങളിലെത്തുന്ന ഫോണിന് 299 ഡോളര്‍ (19,900 രൂപ) ആണ് വില.

Lenovo Phab Plus

4. ലെനോവോ ഫാബ് പ്ലസ് ( Lenovo Phab Plus ): ടാബ്‌ലറ്റിന്റെയും സ്മാര്‍ട്‌ഫോണിന്റെയും ധര്‍മങ്ങള്‍ നിര്‍വഹിക്കുന്ന ഈ ഗാഡ്ജറ്റില്‍ 1920X1080 പിക്‌സല്‍സ് റിസൊല്യൂഷനുള്ള 6.8 ഇഞ്ച് സ്‌ക്രീനാണുള്ളത്. സ്‌നാപ്ഡ്രാഗണ്‍ 615 പ്രൊസസര്‍, രണ്ട് ജി.ബി. റാം, 32 ജി.ബി. ഇന്റേണല്‍ സ്‌റ്റോറേജ് എന്നിവയാണിതിന്റെ ഹാര്‍ഡ്‌വേര്‍ സവിശേഷതകള്‍. 

എസ്.ഡി. കാര്‍ഡ് സ്‌ലോട്ട്, 13 മെഗാപിക്‌സല്‍ പിന്‍ക്യാമറ, അഞ്ച് മെഗാപിക്‌സല്‍ മുന്‍ക്യാമറ എന്നിവയും ഇതിലുണ്ട്. ആന്‍ഡ്രോയ്ഡ് 5.0 ലോലിപോപ്പ് വെര്‍ഷനില്‍ പ്രവര്‍ത്തിക്കുന്ന ഫാബ്‌ലറ്റില്‍ 3500 എം.എ.എച്ച്. ബാറ്ററിയാണുള്ളത്. മെറ്റാലിക് ഗ്രെ, നീല നിറങ്ങളില്‍ ലഭിക്കും. ഫാബ് പ്ലസിന്റെ വില 299 ഡോളര്‍ (19,900 രൂപ).

Lenovo Phab

5. ലെനോവോ ഫാബ് ( Lenovo Phab ): 720X 1280 പിക്‌സല്‍ റിസൊല്യൂഷനുള്ള 6.98 ഇഞ്ച് ഡിസ്‌പ്ലേയാണ് ഈ ഫാബ്‌ലറ്റിലുള്ളത്. ഒരു ജി.ബി. റാം, ഒക്ടാകോര്‍ ക്വാല്‍കോം പ്രൊസസര്‍, 4ജി കണക്ടിവിറ്റി, ഡ്യുവല്‍ സിം പിന്തുണ, 4250 എം.എ.എച്ച്. ബാറ്ററി എന്നിവയാണിതിന്റെ ഫീച്ചറുകള്‍. 

13 മെഗാപിക്‌സലിന്റെ പിന്‍ക്യാമറയും അഞ്ച് മെഗാപിക്‌സലിന്റെ മുന്‍ക്യാമറയുമുള്ള ഈ ഫാബ്‌ലറ്റ് ആന്‍ഡ്രോയ്ഡ് 5.1 ലോലിപോപ്പ് വെര്‍ഷനിലാണ് പ്രവര്‍ത്തിക്കുക. കറുപ്പ്, വെള്ള, നീല, ചുവപ്പ് നിറങ്ങളിലെത്തുന്ന ഫാബിന്റെ വില 179 ഡോളര്‍ (11,900 രൂപ).